Îá°®³Ô¹Ï

[DISGRIFIAD GWELEDOL]ÌýGolygfa o'r awyr o Fangor, gyda'r Fenai'n ymestyn yn urddasol yn y cefndir.

[TROSLAIS]ÌýCroeso i neuaddau preswyl myfyrwyr Prifysgol Bangor - lle diogel, fforddiadwy ac wedi ei gynllunio i'ch helpu i deimlo'n gyffyrddus o'r diwrnod cyntaf.

[DISGRIFIAD GWELEDOL]ÌýMyfyrwyr yn cerdded trwy Bentref Ffriddoedd, wedi'u hamgylchynu gan goed toreithiog a gwyrddni bywiog gyda Bar Uno yn y cefndir. Myfyrwyr yn cerdded tuag at fynedfa fflat fodern, a cheir yn gyrru heibio ar y ffordd gyfagos. Dau fyfyriwr yn eistedd ar wely dwbl clyd ym mhentref y Santes Fair, yn sgwrsio'n gynnes tra bod un yn dal gwerslyfr.

[TROSLAIS]ÌýOs ydych chi'n dechrau ar eich taith fel myfyriwr israddedig neu'n fyfyriwr ôl-radd sy'n chwilio am lety, mae gennym ni rywbeth fyddyn addas i chi.

[DISGRIFIAD GWELEDOL]ÌýPâr o fyfyrwyr yn mwynhau sgwrs ar bont fach swynol ym mhentref y Santes Fair. Grŵp o bedwar myfyriwr yn eistedd ar fainc ar deras Prif Adeilad y Celfyddydau, gyda'r camera'n chwyddo i mewn i gipio eu mynegiant bywiog. Ffilm o'r awyr o Bentref Ffriddoedd, yn dechrau ar y cae pob tywydd ac Adeilad Riechel, gan ymledu'n raddol i ddatgelu'r neuaddau newydd slic, Canolfan Brailsford, a'r neuaddau clasurol uwchben.

[TROSLAIS]ÌýMae gan Fangor ychydig dros 2,400 o ystafelloedd, sy'n golygu ein bod yn gallu gwarantu llety i fyfyrwyr y flwyddyn gyntaf sy'n gwneud cais mewn pryd.

[DISGRIFIAD GWELEDOL]ÌýGolygfa o'r awyr o neuaddau'r Santes Fair, wedi'u fframio gan yr archfarchnad a'r stryd fawr gerllaw. Myfyrwyr wedi ymgasglu mewn cegin ym mhentref y Santes Fair: mae dau yn ymlacio ar gadeiriau gwyrdd, tra bod un arall yn eistedd wrth y bwrdd bwyta gyda gliniadur, yn sgwrsio â ffrind oddi ar y sgrin. Llun agos o fyfyriwr yn eistedd wrth fwrdd bwyta, yn gwenu ar sgrin y gliniadur, tra bod eraill yn mwynhau sgyrsiau hamddenol yn y cefndir. Ffilm o'r awyr o Bentref Ffriddoedd o'r Fenai

[TROSLAIS]ÌýMae ein neuaddau wedi eu lleoli ar ddau safle:

[DISGRIFIAD GWELEDOL]ÌýFfilm o'r awyr o Bentref Ffriddoedd o'r Fenai, ond yn arddangos ongl wahanol o'r gymuned hardd.

[TROSLAIS]ÌýPentref Ffriddoedd a Phentref y Santes Fair

[DISGRIFIAD GWELEDOL]ÌýFfilm uchel o neuaddau'r Santes Fair, yn amlygu'r cyfuniad o bensaernïaeth draddodiadol a modern.

[TROSLAIS]ÌýOnd, pa bentref fydd orau i chi?

[DISGRIFIAD GWELEDOL]ÌýTri myfyriwr yn cerdded trwy Fangor Uchaf, gan basio bariau bywiog, siopau, a bwytai tecawê.

[TROSLAIS]ÌýMae Ffriddoedd ym Mangor Uchaf, rhan brysur o Fangor sy'n llawn myfyrwyr.

[DISGRIFIAD GWELEDOL]ÌýMyfyrwyr yn mwynhau pizza ac yn chwerthin yn Jones' Pizza, sef pizzeria clyd ym Mangor Uchaf, wedi'u gwasgaru ar draws tri bwrdd. Barista yn creu celf latte cywrain yn fedrus.

[TROSLAIS]ÌýDim ond 10 munud o waith cerdded sydd o Bentref Ffriddoedd i Brif Adeilad y Brifysgol ar Ffordd y Coleg ac i orsaf drenau Bangor.

[DISGRIFIAD GWELEDOL]ÌýDau fyfyriwr yn eistedd yng nghaffi Reubens: un yn sipian diod werdd, a'r llall yn yfed latte gyda'i gefn at y camera. Dau fyfyriwr yn cerdded ar hyd Ffordd y Coleg o dan ganopi o goed. Ffilm o'r awyr o Fangor o bentref y Santes Fair, gyda golygfeydd ysgubol o ganol y ddinas, Bae Hirael, a chipolwg ar Ynys Môn.

[TROSLAIS]ÌýMae pentref y Santes Fair yr ochr arall i Fangor, sy'n edrych dros ganol y ddinas,

[DISGRIFIAD GWELEDOL]ÌýMyfyrwyr yn cerdded heibio murlun lliwgar ar y stryd fawr. Ffrindiau'n ymlacio yn nhÅ· bwyta Blue Sky: dau yn cofleidio tra bod eraill yn chwerthin yn iach.

[TROSLAIS]ÌýTua 20 munud o waith cerdded o Brif Adeilad y Brifysgol a'r orsaf drenau.

[DISGRIFIAD GWELEDOL]ÌýGolygfa banoramig o Gwad Allanol Prif Adeilad y Celfyddydau, gyda llu o fyfyrwyr yn eistedd ar feinciau picnic, a thri myfyriwr y gyfraith yn croesi'r cwad yn eu gwisgoedd.ÌýDau fyfyriwr yn gwisgo siwmperi coch trawiadol yn cerdded ar hyd llwybr ym mhentref Ffriddoedd, wedi'u fframio gan adeiladau cyfoes.

[TROSLAIS]ÌýFfriddoedd yw'r mwyaf a'r prysuraf o'r ddau bentref - mae awyrgylch gwych yma bob amser, a llawer o bethau'n mynd ymlaen.

[DISGRIFIAD GWELEDOL]ÌýTri myfyriwr yn sgwrsio'n fywiog o flaen sied feiciau.

[TROSLAIS]ÌýGall myfyrwyr fynd i Far Uno am bryd o fwyd poeth a diodydd fforddiadwy, neu fynd i un o'r digwyddiadau myfyrwyr niferus a gynhelir yma!

[DISGRIFIAD GWELEDOL]ÌýDau fyfyriwr yn cerdded heibio Bar Uno, gyda'i arwydd nodedig yn y cefndir. Myfyrwyr yn eistedd ar draws tri bwrdd y tu mewn i Far Uno, rhai'n brysur yn sgwrsio'n braf tra bod eraill yn canolbwyntio ar waith. Grŵp siriol o fyfyrwyr yn sgwrsio y tu allan i Far Uno, gyda'r arwydd eiconig wedi'i arddangos yn amlwg.

[TROSLAIS]ÌýMae Canolfan Brailsford ar y safle hefyd, sef campfa a chanolfan chwaraeon y Brifysgol, ac mae amrywiaeth eang o weithgareddau ffitrwydd ar gael yno.

[DISGRIFIAD GWELEDOL]ÌýPerson yn rhoi llwch sialc ar ei ddwylo yn yr ystafell ffitrwydd, yn paratoi i godi pwysau. Myfyriwr penderfynol yn codi pwysau ar Platfform 81.ÌýMyfyrwyr yn mwynhau gêm bêl-rwyd fywiog yng nghromen chwaraeon Canolfan Brailsford. Chwaraewr tenis yn taro'r bêl yn gryf.

[TROSLAIS]ÌýMae pentref y Santes Fair yn llai na phentref Ffriddoedd, ac mae awyrgylch hamddenol yno.

[DISGRIFIAD GWELEDOL]ÌýDau fyfyriwr yn cerdded trwy bentref y Santes Fair, gyda gwahanol onglau camera'n cyfleu eu taith. Llun agos o arwydd Barlows. Gall myfyrwyr fynd am goffi yng nghaffi Barlows; mwynhau gweithgareddau hwyliog yng ngofod adloniant Acapela, neu bicio i'r ystafell ffitrwydd ar y safle i wneud ymarfer corff. Golygfa glyd yn ystafell gyffredin Barlows: dau fyfyriwr yn sgwrsio ar seddi cyfforddus.ÌýDau aelod o Griw'r Campws yn cael hwyl gyda gêm o denis bwrdd yn Acapela. Athletwr yn codi dymbel. Golygfeydd ysgubol o'r awyr o Bentrefi Ffriddoedd a'r Santes Fair, gan gipio eu cynlluniau unigryw.ÌýRhedwr yn mynd amdani ar felin draed.

[TROSLAIS]ÌýMae gan y ddau bentref bopeth sydd ei angen arnoch, gan gynnwys siop, golchdy, siop goffi, ystafell gyffredin ac ystafell gyfrifiaduron.

[DISGRIFIAD GWELEDOL]ÌýCwsmer yn rhyngweithio ag aelod o staff yn siop Barlows, wrth brynu rhywbeth.ÌýCipolwg trwy ffenestr o fyfyrwyr yn cymdeithasu mewn ystafell gyffredin ym mhentref y Santes Fair.ÌýMyfyriwr yn agor peiriant sychu dillad yng ngolchdy Ffriddoedd, yn paratoi i ddadlwytho eu golch.ÌýBysedd yn teipio'n ddiwyd ar fysellfwrdd gliniadur.

[TROSLAIS]ÌýFelly, beth am yr ystafelloedd eu hunain?

[DISGRIFIAD GWELEDOL]ÌýDau fyfyriwr yn sgwrsio wrth gerdded i lawr coridor mewn fflat ym mhentref y Santes Fair.

[TROSLAIS]ÌýMae ystafell safonol yn Ffriddoedd yn cynnwys ystafell ymolchi breifat, ac mae cegin i hyd at 8 o bobl ei rhannu.

[DISGRIFIAD GWELEDOL]ÌýMyfyriwr yn astudio ar ei gwely mewn ystafell safonol Ffriddoedd, wedi ei hamgylchynu gan nodiadau a gwerslyfr. Myfyriwr yn rhoi persawr o flaen drych yn ei en-suite. Pum ffrind wedi ymgasglu o amgylch bwrdd bwyta mewn cegin safonol yn Ffriddoedd, gydag un yn coginio yn y cefndir.

[TROSLAIS]ÌýMae nifer cyfyngedig o ystafelloedd rhatach ar gael ym mhentref Ffriddoedd ac maen nhw ar gael ar sail y cyntaf i'r felin.

[DISGRIFIAD GWELEDOL]ÌýFfilm o'r awyr o Bentref Ffriddoedd yn canolbwyntio ar y llety rhad, a rhai mannau parcio.

[TROSLAIS]ÌýMae'r rhain yn ystafelloedd hÅ·n, ond maen nhw'n dal i gynnwys cyfleusterau en-suite preifat a cheginau sy'n cael eu rhannu.

[DISGRIFIAD GWELEDOL]ÌýMyfyriwr llawen yn arddangos ystafell rad yn Ffriddoedd, ei breichiau'n ymestyn allan mewn hyfrydwch. Dau fyfyriwr yn cael cyfarfod clyd mewn fflat rhad yn Ffriddoedd, yn rhannu diodydd poeth a sgwrs fywiog.

[TROSLAIS]ÌýMae gan Bentref y Santes Fair amrywiaeth ehangach o ystafelloedd at ddant pawb.

[DISGRIFIAD GWELEDOL]ÌýArwyddion pentref y Santes Fair, wedi'u fframio gan y fflatiau yn y cefndir.

[TROSLAIS]ÌýMae ystafell safonol ym mhentref y Santes Fair yn cynnwys ystafell ymolchi breifat, a chegin mae 5-8 o bobl yn ei rhannu.

[DISGRIFIAD GWELEDOL]ÌýDau fyfyriwr yn eistedd ar wely dwbl clyd ym mhentref y Santes Fair, yn sgwrsio'n gynnes tra bod un yn dal gwerslyfr. ÌýMae'r un ddau fyfyriwr nawr yn y gegin yn edrych ar ffôn symudol wrth wenu a sgwrsio.

[TROSLAIS]ÌýMae rhai ystafelloedd rhatach ar gael ym mhentref y Santes Fair hefyd, gydag ystafelloedd ymolchi sy'n rhaid eu rhannu.

[DISGRIFIAD GWELEDOL]ÌýMyfyriwr yn eistedd ar y gwely mewn ystafell wely ym Mryn Eithin, opsiynau rhad y Santes Fair, wrth edrych a sgrolio ar eu ffôn. Ongl wahanol, yn agosach at y myfyriwr yn sgrolio ar eu ffôn.ÌýMyfyrwyr yn eistedd ar soffa mewn fflat stiwdio.

[TROSLAIS]ÌýGall myfyrwyr ddewis cael mwy o breifatrwydd pan fyddent yn dewis un o bedwar math gwahanol o fflatiau stiwdio ym Mhentref y Santes Fair.Ìý

[DISGRIFIAD GWELEDOL]ÌýStiwdio fflat arferol. Cegin a'i holl offer, soffa gyfforddus, dau fyfyriwr yn eistedd ar y soffa a gwely dwbl bach.

[TROSLAIS]ÌýMae gan y fflatiau stiwdio en-suite a chegin fach breifat. Mae yna hefyd dai tref, sy'n rhoi'r teimlad o fyw mewn tÅ· myfyrwyr.

[DISGRIFIAD GWELEDOL]ÌýGolwg o'r tu allan i dÅ· tref ym mhentref y Santes Fair, gyda'i gynllun modern yn dal sylw. Myfyriwr yn paratoi pryd cyflym mewn cegin tÅ· tref ym mhentref y Santes Fair, gan osod rhywbeth yn y microdon.

[TROSLAIS]ÌýCaiff ceginau eu rhannu rhwng hyd at 12 o bobl.

[DISGRIFIAD GWELEDOL]ÌýY camera'n chwyddo i mewn i'r microdon.

[TROSLAIS]ÌýGall darpar fyfyrwyr radiograffeg wneud cais i fyw yn Neuadd Snowdon yn Wrecsam.

[DISGRIFIAD GWELEDOL]ÌýY tu allan i Neuadd Snowdon yn Wrecsam.

[TROSLAIS]ÌýMae'r ystafelloedd en-suite wedi'u trefnu mewn fflatiau o 6 ystafell, gyda chegin sy'n cael ei rhannu.

[DISGRIFIAD GWELEDOL]ÌýMyfyriwr wedi ymgolli mewn sgwrs mewn cegin safonol ym mhentref y Santes Fair.

[TROSLAIS]ÌýFelly, pam ddylech ddewis byw mewn neuadd?

[DISGRIFIAD GWELEDOL]ÌýYstafell safonol daclus yn Neuadd Snowdon, gyda gwely, desg, cadair, a golygfa o'r ffenestr. ÌýMyfyrwyr wedi ymgasglu mewn cegin ym mhentref y Santes Fair: Myfyriwr yn eistedd wrth y bwrdd bwyta gyda gliniadur, yn sgwrsio â ffrind oddi ar y sgrin, tra bod dau arall yn ymlacio ar gadeiriau gwyrdd.

[TROSLAIS]ÌýUn o'r prif fanteision yw bod popeth wedi ei gynnwys yn y pris Mae hynny'n cynnwys: Wi-fi cyflym; yr holl filiau fel dŵr, gwres a thrydan,

[DISGRIFIAD GWELEDOL]ÌýLlun agos o fyfyriwr yn eistedd wrth fwrdd bwyta, yn gwenu ar sgrin y gliniadur, tra bod eraill yn mwynhau sgyrsiau hamddenol yn y cefndir. Dŵr yn llifo o dap wrth i ddwylo gael eu golchi'n drylwyr oddi tano.

[TROSLAIS]Ìýynghyd ag aelodaeth am ddim i'r brif ganolfan chwaraeon, Canolfan Brailsford, yn ogystal ag aelodaeth Campws Byw –

[DISGRIFIAD GWELEDOL]ÌýDau fyfyriwr wedi ymgolli mewn gêm fideo mewn ystafell wely safonol yn Ffriddoedd, yn chwerthin ac yn canolbwyntio.ÌýMyfyriwr o'r clwb trampolîn yn neidio'n osgeiddig ar drampolîn yng Nghanolfan Brailsford. Criw'r Campws wedi ymgasglu ym mhentref y Santes Fair, yn gwisgo hwdis oren llachar ac yn bloeddio'n egnïol wrth ddal bagiau o nwyddau rhad ac am ddim.Ìý[TROSLAIS]

[TROSLAIS]Ìýcalendr fawr o ddigwyddiadau cymdeithasol rhad ac am ddim, sy'n dod â myfyrwyr at ei gilydd.

[DISGRIFIAD GWELEDOL]ÌýDau aelod o Griw’r Campws yn mwynhau gêm ysgafn o denis bwrdd yn Acapela.

[TROSLAIS]ÌýByddwch hefyd yn teimlo'n ddiogel gan fod gan holl neuaddau Bangor swyddogion diogelwch ar gael 24 awr, 7 diwrnod yr wythnos.

[DISGRIFIAD GWELEDOL]ÌýDau fyfyriwr yn cael sgwrs gyfeillgar ag aelod o'r tîm diogelwch y tu allan i Swyddfa Ddiogelwch Ffriddoedd. Saethiad agos o'r gair 'diogelwch/security' wedi'i frodio ar siaced y staff diogelwch.Ongl arall yn dangos dau fyfyriwr yn sgwrsio ag aelod o'r tîm diogelwch y tu allan i Swyddfa Ddiogelwch Ffriddoedd.

[TROSLAIS]ÌýRydym yn deall bod gan bob myfyriwr anghenion a chyllidebau gwahanol,

[DISGRIFIAD GWELEDOL]ÌýMoment glyd gyda myfyriwr yn sgwrsio ar soffa werdd gyfforddus mewn cegin ym mhentref y Santes Fair. Myfyriwr arall yn eistedd ar yr un soffa, yn mwynhau'r awyrgylch hamddenol.

[TROSLAIS]Ìýac mae gennym ystod o ystafelloedd fforddiadwy sy'n addas i chi. Mae amryw o opsiynau hygyrch ar gael, gyda ystafelloedd, ceginau ystafelloedd ymolchi wedi eu haddasu.

[DISGRIFIAD GWELEDOL]Dau fyfyriwr yn cael sgwrs fywiog mewn ystafell hygyrch yn Ffriddoedd, wedi'i haddurno â theganau meddal a lluniau personol wedi'u pinio ar yr hysbysfwrdd. Myfyriwr yn troi bwyd mewn padell wrth eistedd mewn cegin wedi'i haddasu. Myfyriwr n canolbwyntio ar ei liniadur, yn teipio ac yn gweithio'n astud.

[TROSLAIS]ÌýMae gennym hefyd neuaddau wedi eu neilltuo’n arbennig i siaradwyr Cymraeg, myfyrwyr gofal iechyd, neuaddau tawel, fflatiau i ferched yn unig, a fflatiau di-alcohol.

[DISGRIFIAD GWELEDOL]ÌýDau fyfyriwr yn mwynhau gêm o bŵl yn ystafell gyffredin JMJ, wedi'u hamgylchynu gan naws hamddenol. Grŵp siriol o fyfyrwyr gofal iechyd yn sefyll gyda'i gilydd yn eu sgrybs, yn chwerthin ac yn rhannu eiliad ysgafn. Dau fyfyriwr mewn ystafell wely safonol ym mhentref y Santes Fair: un yn gorwedd ar y gwely yn chwerthin, a'r llall yn canolbwyntio’n astud ar liniadur. Mae'r olygfa’n cael ei gipio’n glyfar trwy ddrych yr ystafell.

[TROSLAIS]ÌýOs cewch unrhyw broblem tra byddwch yn byw yn un o neuaddau’r brifysgol,

[DISGRIFIAD GWELEDOL]ÌýDau fyfyriwr yn cerdded i mewn i swyddfa'r neuaddau, yn gwenu ac yn sgwrsio wrth ddynesu at y drysau ffrynt.

[TROSLAIS]Ìýgall ein staff yn y Swyddfa Neuaddau eich helpu.

[DISGRIFIAD GWELEDOL]ÌýPerson yn canu'r gloch yn swyddfa'r neuaddau, yn dangos bod angen cymorth arnynt. Myfyriwr yn rhyngweithio'n gynnes ag aelod o staff yn swyddfa'r neuaddau, sydd ag awyrgylch cyfeillgar.

[TROSLAIS]ÌýMae gan bob un o’n lleoliadau preswyl dîm cymorth preswyl sy’n gyfrifol am eich lles, sy’n cynnwys mentoriaid myfyrwyr sy’n byw yn y neuaddau, ynghyd ag uwch wardeniaid.

[DISGRIFIAD GWELEDOL]ÌýMyfyriwr yn ymlacio mewn cegin safonol ym mhentref y Santes Fair, gyda chefndir llachar o waliau gwyn.

[TROSLAIS]ÌýWrth ddewis byw yn un o neuaddau Prifysgol Bangor,

[DISGRIFIAD GWELEDOL]ÌýDau fyfyriwr yn eistedd ger y ffens ger cwrt chwaraeon awyr agored pentref y Santes Fair, yn cael sgwrs hamddenol.

[TROSLAIS]Ìýgallwch fod yn sicr o lety cyfforddus, fforddiadwy a diogel yng nghanol Bangor, gyda chefnogaeth bob cam o'r ffordd.

[DISGRIFIAD GWELEDOL]ÌýTri myfyriwr mewn caffi bar lleol, yn codi eu diodydd meddal mewn llwncdestun hwyliog. Myfyriwr yn eistedd ar wely mewn cegin safonol ym mhentref y Santes Fair. Mae'r olygfa’n symud i ddatgelu ail berson yn yr ystafell wely, yn gweithio ar liniadur tra bod y llall ar y gwely Dau ffrind yn rhannu cofleidiad, eu hapusrwydd a'u cysylltiad yn amlwg.

[TROSLAIS]ÌýEwch i’n gwefan i gael mwy o wybodaeth.

[DISGRIFIAD GWELEDOL]ÌýChwech o fyfyrwyr yn eistedd ar risiau Pontio, gan wenu'n uniongyrchol ar y camera, sy’n rhoi ymdeimlad o undod a balchder.ÌýLogo Prifysgol Bangor