Îá°®³Ô¹Ï

Y Fframwaith Rhagoriaeth Ymchwil (REF) yw’r drefn gyfredol ar gyfer asesu ansawdd ymchwil yn sefydliadau Addysg Uwch y Deyrnas Unedig. Digwyddodd hyn y tro diwethaf yn 2014 ac mae'r canlyniadau llawn, ledled y Deyrnas Unedig, ar gael yma. Mae'r canlyniadau yn pennu'r grantiau blynyddol sy'n gysylltiedig ag ansawdd a roddir gan Gynghorau Cyllido Addysg Uwch Cymru, Lloegr (Research England), Cyngor Cyllido’r Alban (SFC) ac Adran yr Economi, Gogledd Iwerddon (DfE). Mae’r asesiad yn cynnig atebolrwydd i fuddsoddiad cyhoeddus mewn ymchwil ac yn cynhyrchu tystiolaeth o fudd y buddsoddiad hwn. Mae deilliannau’r asesiad yn rhoi gwybodaeth meincnodi ac yn sefydlu ffyn mesur enw da i'w defnyddio yn y sector addysg uwch ac er mwyn rhoi gwybodaeth i'r cyhoedd. Mae'r Fframwaith Rhagoriaeth Ymchwil yn asesu rhagoriaeth ymchwil drwy broses o adolygu arbenigol ar sail disgyblaeth, wedi ei lywio gan ddangosyddion meintiol priodol. Am fwy o wybodaeth, ewch i wefan REF2021.